Si të martoheni me një miliarder?

Revista amerikane "Forbes" publikoi para disa ditësh listën e njerëzve më të pasur në botë. Për të qenë në atë listë, duhen të paktën një miliardë dollarë. Por revista e specializuar në pasqyrimin e detajeve, që i konsideron funksionale dhe argëtuese ka menduar që nga kjo listë të nxjerrë një listë tjetër, atë të beqareve miliarderë.
Në listë janë dhjetë prej beqarëve më të pasur të botës, për të cilët revista "Forbes" ofron një profil të detajuar të statusit të tyre, pasurisë, stilit të jetesës, interesave të tyre personale, mënyrës së argëtimit dhe numrit të fëmijëve, nëse ata kanë. Një prej beqarëve më të lakmuar në listë është princi gjerman Albert von Turn und Taxis, vetëm 24 vjeç. Që në moshën 21 vjeçare ai ka qenë pjesë e listës së njerëzve më të pasur të botës, duke qëndruar në listë për tre vite radhazi si miliarderi më i ri i botës. ka studiuar për ekonomi dhe teologji në Skoci. Në moshën 18-vjeçare një portofol multi-miliarder që përfshin prona, vepra arti dhe kompani. Ai jeton në kështjellën e familjes "Schloss Emmeram" me nënën dhe motrën më të madhe. Me një pasuri personale prej 2.3 miliardë dollarësh ai është sigurisht një prej të rinjve më të përfolur në qarqet, ku ai jeton. Një tjetër beqar në listë është edhe rusi, Roustam Tariko. Tariko u pasurua duke krijuar tregun e vodkës së quajtur "Russian Standard". Ai ishte i pari në rusi që bleu një makinë "Maybach", ka një shtëpi në Sardenjë dhe një avion privat për të mbërritur atje. Në listë është edhe djalë 27-vjeçar i ish-kryeministrit libanez. Fahd është djali i vogël i kryeministrit të vrarë libanez, Rafik Al-Hariri. Fahd drejton një biznes mode në Paris, ku jeton me nënë dhe motrën e tij, Hind. Lista vazhdon me emra të tjerë e mosha të nga më të ndryshmet, ndërkohë që pasuria mbetet në miliarda dollarë dhe statusi prej beqari është i njëjtë për të gjithë.

Roustam Tariko
Vendbanimi: Rusi
Pasuria: 3.5 miliardë dollarë
Mosha: 46 vjeç
Statusi: Beqar, ka tre fëmijë

Tariko u pasurua duke krijuar tregun e vodkës së quajtur "Russian Standard". Ai ishte i pari në rusi që bleu një makinë "Maybach", ka një shtëpi në Sardenjë dhe një avion privat për të mbërritur atje.

Ronald Burkle
Vendbanimi: SHBA
Pasuria: 3.5 miliardë dollarë
Mosha: 55 vjeç
Statusi: I divorcuar, ka tre fëmijë


Manjati amerikan i supermarketëve u nda nga gruaja, Janet në vitin 1992, për t'u bashkuar sërish pas pesë vitesh, kur ata firmosën një dokument, sipas të cilit ajo merret 30 milionë dollarë nëse ndaheshin sërish. Ajo e la në vitin 2002.

Princi Albert von Thurn und Taxis
Vendbanimi: Gjermani
Pasuria: 2.3 miliardë dollarë
Mosha: 24 vjeç
Statusi: Beqar

Ai është miliarderi i tretë më i ri në botë dhe mbi të gjitha është me prejardhje mbretërore. Princi jeton në një kështjellë të familjes me nënën dhe motrën. Ai është pilot i garave me makina.

Fahd Hariri
Vendbanimi: Paris
Pasuria: 2.3 miliardë dollarë
Mosha: 27 vjeç
Statusi: Beqar

Fahd është djali i vogël i kryeministrit të vrarë libanez, Rafik Al-Hariri. Fahd drejton një biznes mode në Paris, ku jeton me nënë dhe motrën e tij, Hind.

Charles Dunstone
Vendbanimi: Angli
Pasuria: 1.8 miliardë dollarë
Mosha: 44 vjeç
Statusi: Beqar

Sipërmarrësi britanik, i cili drejton një kompani telefonike me vlerë 8 miliardë dollarë thuhet se është mjaft bujar. Ai u jep pushim gjithnjë punonjësve, kur ata kanë ditëlindjen dhe u dërgon dhe një tortë.

Mark Zuckerberg
Vendbanimi: SHBA
Pasuria: 1.5 miliardë dollarë
Mosha: 23 vjeç
Statusi: Beqar

Djali i artë i teknologjisë është miliarderi më i ri në planet. Ai ka themeluar rrjetin social në internet "Facebook" në shkurt të vitit 2004, nga dhoma e tij e konviktit në Harvard.

David Ross
Vendbanimi: Angli
Pasuria: 1.4 miliardë dollarë
Mosha: 42 vjeç
Statusi: I divorcuar, me një fëmijë

Ross është i dashuruar me artet dhe shpeshherë vë në skenë opera në shtëpinë e tij në fshat. Në fakt, ai ka ndërtuar një skenë në fund të lëndinës, pikërisht për këtë arsye.

Richard Li
Vendbanimi: Hong Kong
Pasuria: 1.4 miliardë dollarë
Mosha: 41 vjeç
Statusi: Beqar

Li i mori para borxh të atit për të ngritur biznesin e tij, e më pas arriti të ngrinte një pasuri me dhjetë zero. Disa prej interesave të tij janë fluturimi dhe zhytja.

Sergei Polonsky
Vendbanimi: Rusi
Pasuria: 1.2 miliardë dollarë
Mosha: 35 vjeç
Statusi: Beqar, ka dy fëmijë

Polonsky ka studiuar për arkitekturë dhe është një prej biznesmenëve më të njohur të pronave të paluajtshme në Moskë. Ai është i pasionuar pas sporteve ekstreme.

Peter Thiel
Vendbanimi: SHBA
Pasuria: 1.2 miliardë dollarë
Mosha: 40 vjeç
Statusi: Beqar

Thiel është njëri prej themeluesve të "PayPal", të cilin ia shiti "eBay" në vitin 2002 për 1.5 miliardë dollarë. Dy vite më vonë ai u bë investitori i parë i jashtëm i "Facebook".